Martxoak 8an, Emakumenaren Nazioarteko Eguna, aldarrikapena eta ospakizuna uztartu asmoz, Mendaur Institutoko ikasle nahiz irakasleak egun berezia antolatzen ari dira.
Honela, egun horretan gizon eta emakumeen arteko berdintasunaren aldeko ‘Lilasterketa’ burutuko da, eguerdiko 12:00etan Doneztebeko eliza paretik abiatuko dena. Lasterketaren ondotik, ikastetxeko ikasle eta irakasleek flashmob bat eginen dute, ekintza horretarako ikastetxean antolatzen ari diren entseguak nahiko aurreratuak daudelarik.
Bestalde, emakumeak gai izanen dituen argazki lehiaketa baterako deialdia ere egin da. Lehiaketa honen bitartez, emakumeak gure eskualdean duen rola aldarrikatu nahi da. Zentzu honetan, partehartzaileek emakumeak eguneroko bizitzan ala besta giroan islatzen dituzten irudiak aurkeztu beharko dituzte.
Lanak, martxoaren 1a baino lehen euskarri digitalean ondoko helbide elektroniko honetara igorri beharko dira:
mendaur.idazkaria@educacion.navarra.es
Irabazleak, eskola materialean gastatzeko 30€ko txekea jasoko du.
Interesatuek beheko estekan lehiketaren oinarriak irakurri ditzazkete.
Utzi erantzuna