Jakina da Ingelesa mundu mailako komunikazio tresna bilakatu dela, eta gure ikasleentzat ingelesez komunikatzeko gai izatea gero eta garrantzitsuagoa dela. Mendaur ikastetxean, DBHko maila guztietan astero hiru saio eskaintzen zaizkio ingelesaren ikasgaiari. Bertan, hizkuntza trebetasun guztiak lantzen ditugu; hau da, irakurmena, idazmena, entzumena eta ahozko hizkuntza lantzen dira.
Eskuartean dugun denbora mugatua dela jakinda, eta ahozko hizkuntzan zein entzumenean ikasle gehientsuenen maila beste trebetasunetan baino xumeagoa dela ikusita, aipatutatako bi trebetasunak lantzeko honako hautazko ikasgai osagarria antolatu da. Honela, gure ikasleei ingelesaren ezagutza ikastetxean bertan sakontzeko aukera eskaintzen zaie.
