COVID19 birusaren hedapenak sortutako egoerari aurre egiteko asmoz, Nafarroako Gobernuaren aginduz, Mendaur Institutua ikasleendako itxita mantenduko da gutxienez hilaren 16tik 30a bitarte.
Edonola ere, hezkuntza edo osasun agintariek kontrakorik adierazi ezean, ikastetxeko irakasle nahiz gainerako langileek bertan segituko dute lanean. Beraz, ikastetxean telefonoz nahiz presentzialki -jasotako gomendioei jarraiki betiere- atendituko da.
Agur 2019! Agur Txomin!
Ikasturte hasierako bilerak urriaren 8an eta 10ean izanen dira
Ikasturte hasierarekin batera, Mendaur DBHI ikastetxeak beste urte batez ikasleen familientzako bilerak antolatu ditu. Zehazki, urriaren 8an, 16:15ean, 1. eta 2. DBHko guraso eta tutore legalak deituak daude. Eta urriaren 10ean, 16:45ean, 3. eta 4. DBHkoak.
Delako bileratara bertaratzen direnak, ikasturte honetako berrikuntzen berri jaso, eta talde bakoitzeko tutorea ezagutzeko aukera izanen dute, zeinak ikasgelan berean hartatuko dituen.
2019/2020 ikasturteko ikasle taldeak
Inoizko ikasle kopururik handienarekin eman dio hasiera Mendaur Institutuak 2019/2020 ikasturteari.
Izan ere, aurten Doneztebeko San Miguel Eskolatik nahiz Malerrekako eskola txikietatik 66 ikasle berri heldu zaizkigu, orotara 68 direlarik 1. DBHn matrikulatu direnak. Horrenbestez, hiru taldekatze osatu dira: A, B eta C taldeak.
[Read more…] about 2019/2020 ikasturteko ikasle taldeak2019/2020 ikasturteko eskola egutegia
That’s English eta EOIDNAko iraileko azterketa deialdia
Nafarroako Urrutiko Hizkuntza Eskola Ofizialeko ez-ohiko deialdiko azterketa egunak argitaratu dira jada.
Honela, EOIDNAko nahiz That’s Englisheko ikasleek irailaren Ingeleseko zertifikazio ofizialak eskuratzeko bigarren aukera bat izanen dute.
Zehazki, irailaren 4ean, B1 mailako gaitasunen bat suspendituta duten ikasle guztiak 16:30etarako deituak dira. Hilaren 6an, A1, A2 eta B2.1ekoen txanda izanen da; 15:30etan, 16:30etan eta 18:05etan hurrenez hurren. Azkenik, irailaren 9an, B2ko ikasleek 16:30etan azterketa egin beharko dute.
Froga guztiak, Mendaur ikastetxean burutuko dira.
Ikasturteari agur esateko ekintza ugari antolatu ditu ikastetxeak
2018/2019 ikasturteko azken bi asteak bereziak izan dira Mendaur institutuan. Izan ere, ikasleak ikasgai bakoitzean lortutako emaitzaren arabera taldekatze berriak izan dituzte.
Honela, ekainaren 3-14 bitarteko egunetan ordutegiak bi norabidetan antolatu dira: ikasgairen bat gainditu gabe zuten ikasleek ikasgai hori indartzeari begirako berreskurapen klaseak jaso dituzte. Eta suspentsorik ez zutenei berriz, sakontze klaseak zein bestelako ekintza osagarriak eskaini zaizkie.
[slideshow_deploy id=’3037′]
[Read more…] about Ikasturteari agur esateko ekintza ugari antolatu ditu ikastetxeakMendaur institutuko ikasleak erreka garbiketan aritu dira auzolanean
Ekainaren 5a Ingurumenaren Nazioarteko Eguna zela eta, Mendaur ikastetxeko ikasle eta irakasleak Bidasoara isurtzen den Galbaraialde erreka garbiketan aritu ziren bezperan.
Ekimen hau, Doneztebeko Udalak eta Nafarroako Gobernuak babesturiko LIFE IREKIBAI programa Europearraren baitan kokatzen da, zeina herriz herri antzeko auzolanak antolatu dituen eskualdean barna.
Ikasleen lanari esker, uda honetan erreka garbiago batez gozatuko dute denek. Esker mila, bada, auzolanean aritu diren guztiei!
[slideshow_deploy id=’3006′]
Ez-ohiko deialdiko azterketa egutegia
2018/2019 ikasturteari akabera emateko, ekainaren 18, 19 eta 20an ez-ohiko deialdiko azterketak burutuko dira.
Egun horietan, ekaineko ohiko ordutegia izanen dute ikasleek: goizeko 9etatik, eguerdiko 3rak bitarte. Beraz, autobus zerbitzuak ikasle garraiatuak betiko ordu eta geltokietan jaso eta utziko dituzte.
Azterketen egutegi osoa kontsultatzeko sakatu hemen.
Martxa baten azken notak
Iragan maiatzaren 8an, urteroko hitzorduari erantzunez, Mendaur, Lekaroz, Leitza eta Donostiako Lauaizeta institutuetako ikasleek, musika kontzertua eskaini zuten Doneztebeko Ezkurra frontoian.
Aurtengoa, ordea, egun berezi-berezia izan zen, kontzertu hauen hastapenetik euren antolaketan ibili den Mirari Telletxea Musika irakaslea, gurean arituko den azkena izanen baita. Izan ere, aurrerantzean gure lankideak bere ibilbidea eskualdetik kanpo segituko baitu.
Atzean Mirarik uzta oparoa uzten du: 20 urtez jarraian eskualdean eskainitako musika kontzertuak. Eta zer esanik ez, 20 belaunaldietako neska-mutilei irakatsitako hamarnaka eta hamarnaka kanta.
Edonon dela ere, Mirarik bere doinu goxoa zabaltzen segituko duela jakitun, etorkizunean zorterik hoberena opa diogu.
Behean, Doneztebeko kontzertuaren argazki galeria ikusgai duzue.
[slideshow_deploy id=’2884′]
