IESO Mendaur DBHI

Aurten azaroaren 25a, Emakumeen Kontrako Indarkeriaren Aurkako Eguna, igandean eroriko denez, eskualdeko hainbat eragilek gaurko deituta zuten deialdiarekin bat egin du Mendaur institutuak.

Honela, azken urtetan bezala, eguerdiko 12:ooetan,  ikasle-irakasleak ikastetxe pareko biribilgunean bildu gara, emakume eta gizonen arteko berdintasuna aldarrikatu eta bortizkeria matxistarekin behingoz bukatu behar dugula argi eta ozen esateko.

Zentzu honetan, elkarretaratzera bertaratutakoek ekimen honen deialdien komunikatuak aditu ondotik, Iturengo ikasle talde batek duela pare bat urte idatziriko bertsoak kantatu dituzte.

Gure aldetik, bertsook dioten bezala, aurtengoa emakumeen aurkako bortizkeria salatzera atera behar dugun azken aldia izan dadin nahi genuke; eta horretarako gure aletxoa jartzeko konpromisoari eutsi eginen diogu.

[Read more…] about Emakumeen kontrako indarkeria salatzeko urteroko hitzorduari ez dio huts egin ikastetxeak

Mendaur institutuko 3. DBHko ikasle talde batek, Mikel Lakasta irakaslearen koordinaziopean, azaroaren 6 eta 7 bitartean Iruñeko Baluarte Batzar Jauregian burutu diren  ‘Sarean Euskaraz’ jardunaldien baitan antolatutako I. Wikilehiaketako lehen saria lortu du.

Saritua izan den testua, zehazki, Naroa López, Unai Oslé, Eneko Maylin, Aimar Iribarren eta Oier Rodríguezek sinatutako ‘Lehen sektorea’ artikulua izan da.

Ikasle-irakasleak, iragan azaroaren 6an, saria pozarren jaso zuten Isabel Elizalde, Landa Garapeneko, Toki Administrazioko eta Ingurumeneko kontseilariaren eskutik.

Iragan urriaren 24ean agur ekitaldi hunkigarria egin genion Oneka Auzmendi gure lankide zenari.

Horrela, goizeko 12:30etarako ikastetxeko ikasle eta irakasle guztiak frontoi ondoko belardian bildu ginen, Onekaren senide eta lagunetako batzuk ere gure artean zirela.

Ekitaldiari ikastetxeko bi irakasleren artean idatzitako olerki batekin eman zitzaion hasiera. Bertsook bizitzari gorazarre egiten zioten, baita Atungo gazteak ikastetxera ekarritako bizipoza azpimarratu ere. Jarraian, 4. mailako Olatz Mutuberriak, bere ikaskideetako batzuen kitarra doinuez lagunduta, beste olerki bat irakurri zuen.

Ikasle eta irakasle guztien txanda heldu zen ondotik. Izan ere, institutuko beste irakasle batek idatzitako bertsoak elkarrekin kantatu baikenituen.

[Read more…] about Agur hunkigarria eman diogu Onekari

Heldu den urriaren 24an, asteazkena, berriki zendu zen Oneka Auzmendi lankideari azken agurra emanen dio Mendaur ikastetxeak.

Gogoratu beharra da, irailaren 13an Matematiketako eskolak ematera ikastetxera zetorrela, Onekak heriotza eragin zion istripua jasan zuela.

Omenaldia 12:30etan hasiko da, eta bere xumetasunean Onekak gurean utzitako arrastoaren isla izan nahiko luke. Horretan ari dira, behintzat, ikasle nahiz irakasleak beren ahalegina eta maitasuna jartzen.

Esan gabe doa, Mendaur DBHIko hezkuntza komunitatea osatzen duzuen pertsona oro ekitaldi honetara gonbidatuak zaudetela.

Hasi berri den ikasturte honetako lehen guraso bilerak urriaren 9an izanen dira.

Honela, ikastetxea barrutik ezagutu nahi duten 1. DBHko ikasleen familiak 16:00etarako deituak izan dira. Ordu horretan instututan barnako bisita gidatua egiteko aukera izanen dute Bihotz Unanua zuzendariaren eskutik.

Jarraian, 16:30etan, jantokian, ikastetxeko zuzendaritza taldeak eta orientatzaileak ikasturtearen aurkezpena eginen dute. Bilerak 17:00etatik aitzin segida izanen du, oraingoan ikasleen tutoreekin talde bakoitzeko ikasgelan.

Aurreko ostegunean ikastetxera lanera zetorrela N-121-A errepidean zendu ze Oneka Auzmendi lankidearen heriotza ekidin zitekeela sinistuta, errepide honek duen arriskua salatzeko hainbat sindikatuk deitutako elkarretaratzearekin bat egin zuen Mendaur Institutuak ostiralean.

Eskualdeko eragile ezberdinek behin eta berriz salatu izan duten bezala, ikastetxeak ere errepide honetako heriotza kopuru lazgarriaren aitzinean neurriak hartu beharraz ohartarazi nahi izan zituen agintari politikoak. Izan ere, oraingo egoerak ikastetxeraino autoz datozen irakasleen segurtasuna ezezik, garraiotutako gure ikasleena era arriskuan jartzen baitu.

Udako geldialdi luzearen ondotik, aurreko irailaren 6an ikasleei ateak ireki zizkien Mendaur ikastetxeak. Eta horrekin, ohikoak diren nerbioez haratago, gorabeherarik gabe ofizialki hasiera eman zitzaion ikasturte berriari. Gogoratu beharra da uztailean jasotako agindua dela medio, ikasturte hasiera hilaren 7tik 6ra aitzinatu zela; trukean, martxoaren 19a jai eguna izanen delarik.

Honela, goizeko 9:00etan ikasleek tutoreak zain zituzten geletan. Hauek, liburu nahiz agendak banatzeaz gain, ikasturte honetako ordutegiaren eta irakasleen berri eman zien.

Aurten gurean hasi diren 1. DBHko ikasleendako, batez ere, egun berezia izan zen ostegunekoa. Ikaskide, eskola, etapa eta ordutegi berrira egokitzeko aldia dute orain. Prozesu horretan laguntzeko prest agertu ziren tutore nahiz gainontzeko irakasleak, baita zorterik hoberena opa ere.

Ikasturte hasierak zekarren ilusioak, ordea, ez zuen duela urte bateko gertakari lazgarria oharkabean pasatzen utzi; egun honetan bereziki ezagutu zuten guztiek gogoan izan baitzuten Unai Mutuberria ikasle eta laguna.

Doneztebeko Mendaur DBHI ikastetxeak, beste urte batez That’s-English! programaren bidez Ingeleseko A2, B1 eta B2 ziurtagiriak lortzeko aukera emango du.

Izena emateko baldintzak honako hauek dira:

2018eko abenduaren 31rako 16 urte beteta izatea; ala DBHn Ingelesa ikasi ez dutenentzat 14 urte izatea.

Honakoa duzue 2018-19 ikasturteko Doneztebeko That’s English!eko  ordutegia:

Informazio gehiago eskuratzeko sakatu erantsitako dokumentuan.